原來明天是下午才考，可以不用通頂了～～
某些同志遊行的新聞留言有人寫“我唔會歧視你地，但你地自己關起門搞自己嘢係冇人阻止你，做乜嘢要出來冒犯我地？”——咁都叫唔歧視？咁同志可唔可以話直人係條街上成日拖手甚至親熱係冒犯咗同志，你地自己關埋門係屋企搞異性戀咪得咯使乜周街拖手親熱話比人知你係異性戀喔！
點解當直人講d咁既嘢就好似冇問題，仲好有道理咁，可以咁大聲呼喝同志返屋企？背後的權力關系可見一斑，因為人多，是所謂的大眾，就有權去judge跟自己不同的人。其實講來講去，都係人多欺負人少的問題。唔好以為呢d係小時候玩游戲先會出現人多“蝦”人少，其實成個社會都係咁。當然，如果人又多，又有權勢，就更可以欺負得理直氣壯。
其實，遊行唔行上街唔通關埋門係屋企遊咩？點解明知會比某d人咁歧視都仲要行上街？就係話比成個社會聽，同志係存在既，唔係你叫我返屋企我就會咁聽話躲係屋企，連上街既權力都操控係你手上咩？！——終於明白點解叫“驕傲愛上街”，因為對於一些人，真的連自由自在咁上街的權利都冇。
有線新聞報道，播出沿途巴士上有位乘客做倒豎拇指的手勢表示反對，又訪問一路人感受，那位伯伯表示反感。可是我沿途看到更多的是巴士乘客主動向隊伍揮手示好，更多途人不過是拿出相機拍照記錄這個盛況，我幫忙賣大會紀念品“籌款”時，一對異性戀情侶走過來買了條手鏈，表示支持……還有一對父母帶著自己六歲的女兒一同參加遊行，表示支持。
遊行時我也繼續“兜售”。途中一對不能現身的女同志買下了兩條鏈，一位路人匆忙向我遞來一百塊錢、很快拿了一條鏈就離開了（鏈是10元一條，不設上限）……
正是還有這麼多的不能走上街的人，所以，還要繼續走上街，而且，是驕傲地走下去……
p.s.跟媽媽講遊行遇到老師既事，繼續花癡，呵呵呵～～～
No comments:
Post a Comment